Gallai rhywun rydych chi'n ei adnabod fod yn gyfatebiaeth berffaith i glaf sydd angen trawsblaniad mêr esgyrn. Lledaenwch y neges cliciwch yma.
Mae Cynghreiriau JD Cymru wrth eu bodd yn cyhoeddi bod Gwasanaeth Gwaed Cymru wedi dod yn noddwr swyddogol Cwpan Cynghrair Haen 2 ar gyfer tymor 2022/23.
Bydd y bartneriaeth, fydd yn rhedeg ar gyfer ymgyrch gyntaf y gystadleuaeth, yn gweld y gystadleuaeth nawr yn cael ei hadnabod fel Cwpan Cynghrair Gwasanaeth Gwaed Cymru.
Fe wnaeth Gwasanaeth Gwaed Cymru ffurfio partneriaeth gyda JD Cymru Cymdeithas Bêl-droed Cymru a Genero Adran yn 2020 er mwyn annog cefnogwyr pêl-droed domestig i roi gwaed mewn ymgyrch newydd sbon 'Gwaed, Chwys a Iechyd Da!'
Mae ymgyrch Gwaed Chwys ac Iechyd Da eisoes o bosib wedi achub bywydau dros 2,000 o oedolion ers lansio a bydd clybiau ar draws y cynghreiriau yn parhau i gefnogi'r sefydliad drwy gydol yr ymgyrch newydd.
Bydd Cwpan Cynghrair Gwasanaeth Gwaed Cymru yn cael ei ranbartholi yn y camau cynnar gyda'r timoedd yn cael eu rannu'n adrannau gogleddol a deheuol nes bydd y ddau enillydd rhanbarthol yn cael eu cadarnhau.
Yna bydd enillwyr adran y gogledd yn herio enillwyr adran y de wrth iddynt frwydo i greu hanes a dod yn bencampwyr cyntaf Cwpan Cynghrair Gwasanaeth Gwaed Cymru.
Dywedodd Peter Richardson, Pennaeth Sicrhau Ansawdd a Chydymffurfio â Rheoliadau yng Ngwasanaeth Gwaed Cymru: "Fel Gwasanaeth, rydyn ni'n ffynnu pan mae cymunedau'n dod at ei gilydd, ac rydyn ni eisoes wedi gweld manteision sut mae pêl-droed lleol, wrth galon cymunedau, yn helpu i achub bywydau ledled Cymru.
"Rydym wrth ein boddau ein bod yn parhau i weithio ochr yn ochr â Chymdeithas Bêl-droed Cymru ac o fod yn rhan o’r Cwpan Cynghrair Haen 2 cyntaf, sy'n hybu pwysigrwydd rhoi gwaed, platennau neu fêr esgyrn i bobl mewn angen."
Rydym yn gyffrous y bydd ein partneriaid cymunedol Gwasanaeth Gwaed Cymru yn dod yn noddwr Cwpan Cynghrair Haen 2 ar gyfer y tymor agoriadol.
"Rydym yn hynod falch o bartneriaeth gymunedol Cynghreiriau JD Cymru gyda Gwasanaeth Gwaed Cymru a sut y mae wedi datblygu ers lansio ychydig llai na dwy flynedd yn ôl.
"Mae'r bartneriaeth yn gwneud gwahaniaeth gwirioneddol ar draws y wlad ac mae'n braf gweld sut mae'r clybiau wedi helpu i achub bywydau drwy'r ymgyrch Gwaed Chwys ac Iechyd Da.
"Bydd y gystadleuaeth newydd yn golygu y bydd clybiau'n cystadlu mewn fformat cystadleuaeth gyffrous yn adrannau'r gogledd a'r de, cyn i enillydd cyffredinol gael ei goroni ar ddiwedd yr ymgyrch."
Gallwch gefnogi eich clwb lleol mewn ffordd wahanol ac ystyried ymuno â'n hymgyrch Gwaed Chwys ac Iechyd Da heddiw.
